有人會問，出面咁多唔同嘅口罩，要幾平有幾平，要幾多花款就有幾多花款，有印花嘅，有節日特別版嘅，又有卡通聯乘系列嘅…

點解要揀MERS口罩? 點解要買MERS口罩? 點解唔買其他?

的確，MERS口罩唔係最平，亦唔多花款，但係我哋一開始做口罩嘅信念係源自MERS宗旨「擇善固執」。記得疫情一開始時，大家一罩難求嘅情況嗎?然後一盒口罩可以去到400甚至500蚊嘅情況嗎?

就係眼見有好多唔同牌子，但有幾多係香港製造?有幾多真係經過晒嚴格QC (品質監控)? 多花款係咪就等如好? 之前有報導講過，如果顏料唔好，又或者過多印刷，當中嘅有毒物質反而有機會影響口罩品質。

MERS一開始想「做一個品質高的香港人口罩」，由選料、貼面度到製作成品，都係一絲不苟。我哋搵嘅原材料，除咗基本要達到ASTM Level 3 (即細菌過濾效率BFE及顆粒過濾效率PFE>99.9%)外，透氣及舒適度都係做出一個舒適口罩嘅關鍵。試問，如果有需要戴住口罩一日，而口罩非常焗身，再加上炎熱天氣，或者呼吸系統較弱嘅人士，如果承受得到。

所以，MERS團隊選好原料後，都會先進行多次試驗，例如無數次真人實測皮膚敏感度、會否刮面、會否痕癢引起敏感，成品鼻樑鐵線位與口罩間會否有過大空隙、再嚟透氣度、透氣度高可否與口罩高度防護力並存等等。經多次更改模版，先成就到今日大家見到嘅MER醫護口罩。

幾經辛苦製作出成品，仲未可以「出街」!因為成品都有機會有瑕疵，所以要再三測試、例如模擬病菌/液體穿透度、再確定ASTM Level。然後再多次真人實測，戴足12小時做透氣測試，到確定做第一批大貨，然後再每個口罩人手QC，呢一切一切令成品得來不易，但MERS堅信，MERS出品的口罩品質，大家是有目共睹。

MERS製作口罩原意並不是想「發大達」，而係一種信念的堅持「擇善固執」!亦唔想為咗降低成本就唔堅持香港製造，更唔想因為成品無再做一次QC而令大家失去對MERS嘅信心。

與其研究更多花款，何不用心製作一個由香港製造、真正屬於香港人的醫護口罩?